कोरियामा पर्यटन वर्षको प्रचारप्रसारमा नेपाली युवकको सक्रीयता
By कृष्णपक्ष - Thursday, February 10, 2011
सुजीता न्यौपाने ।
माघ २७, मकवानपुर ।
हेटौँडाका एक युवक कोरियामा नेपाल पर्यटन वर्ष २०११ को प्रचारप्रसार गर्न जुट्नु भएको छ । हेटौँडा–४ का सुकुन्द आचार्यले आफ्नो विदाको समय सदुपयोग गरेर नेपाल पर्यटन वर्षको प्रचारका लागि कोरियाको बुसान सहरको चोकमा स्टल राख्नु भएको हो । २ वर्षअघि इपिएस कोटा अन्तरगत कामका लागि कोरिया पुग्नुभएका उहाँले कोरियाली नयाँ वर्षको अवसरमा दिईने ५ दिने विदाको सदुपयोग गर्दै नेपाल सम्बन्धी प्रचारप्रसारका लागि स्टल राखेको उहाँले वताउनुभयो । उहाँले कोरियाली र विभिन्न देशबाट बुसान सहर आईपुगेकाहरुलाई नेपाल घुम्न जान आग्रह गर्ने गरेको बताउनुभयो । माघ २२ गतेदेखि स्टल राखेर प्रचार थालिएको स्टलमा नेपालबारे जानकारी लिन पर्यटक र स्थानीयहरुको भीड बढेको छ ।
