सहमति खोज्न तीन दलको बैठक बालुवाटारमा जारी

काठमाडौ, जेष्ठ १२ - शान्ति प्रक्रिया र संविधानसभाको म्याद थप लगायतका बिषयमा सहमति खोज्न प्रमुख तीन दलका शीर्ष नेताको बैठक प्रधाननमन्त्री निवास बालुवाटारमा जारी छ ।

संविधानसभाको म्याद सकिन दुई दिन मात्र बाँकी रहेका बेलामा तीन दलका शीर्ष नेताहरु निर्णायक छलफलमा जुटेका हुन् । बुधबार गोकर्ण रिसोर्टमा भएको छलफलले सहमति खोज्ने जिम्मा शिर्ष नेताहरुलाई दिएको थियो ।

प्रधानमन्त्रीका प्रेस सल्लाहकार सूर्य थापाका अनुसार बालुवाटारका बैठकमा एमालेका तर्फबाट प्रधानमन्त्री झलनाथ खनाल, महासचिव ईश्वर पोखरेल, भिव रावल, माओवादीका अध्यक्ष पुष्पकमल दाहाल, उपाध्यक्ष बाबुराम भट्टराई र कांग्रेस सभापति सुशील कोइराला, महामन्त्री कृष्ण सिटौला, रामशरण महत र मिनेन्द्र रिजाल सहभागी छन् ।

तीन दलको शीर्ष नेताले बिहीबार बिहान राष्ट्रपति रामवरण यादवलाई भेटेका थिए । साभार : इ कान्तिपुर