छाती उस्तै छ
By कृष्णपक्ष थापा - Friday, January 16, 2009
असरल्ल अभावहरु
घाऊहरु, पीडाहरु, गृहयुद्धका चिराहरू,
अझ धेरै बिझेका छन ।
दुखेका छन चहरयाएका छन ।
मित्र निर्दोष हरु मरो देशमा
दिनदिनै रेटिइन्छन
कलमहरु डराएका छन
शान्ति सुरक्षा र न्याय हराएका छन ।
उफ़ यो बर्बरता ?
म बुद्धको देश कसरी भनु?
मानौ यस्तो लाग्छ यतिखेर,
सगरमाथा झुकेको छ ?
स्वाभिमान लुकेको छ ।
मित्र हेर त एकपटक छामेर ,
मेरो जस्तै तिम्रो पनि छाती उस्तै छ,
जहाँ देश दुखेको छ ।
युवा चिन्तन छ जताततै । यो त्यसबाट भिन्न कसरी होस्? सरल,सबल र सरस छ ।